İcra başçısının sabiq müavini tərəfindən məhkəməyə verilməsi haqda ilginc açıqlamalar

Bir qədər əvvəl məlumat vermişdik ki, Zərdabın icra başçısı Lütvəli Babayev keçmiş müavini Tofiq Abdullayev tərəfindən məhkəməyə verilib. Lütvəli Babayev bu məlumatı təkzib etsə də, Tofiq Abdullayevin vəkili Adəm Məmmədov icra başçısının məhkəməyə verildiyini təsdiqləmişdi. Vəkil həmçinin bildirmişdi ki, yaxın günlərdə məsələnin təfərrüatları barədə açıqlama verəcək.

GUNDEMİNFO.AZ yazır ki, “Azadlıq”a açıqlama verən Adəm Məmmədov bildirib ki, Tofiq Məmmədovun Lütvəli Babayevi məhkəməyə verməsi qanunsuz olaraq işdən çıxarılmasıdır. Tofiq Babayev işə bərpa tələbilə Şirvan Inzibati-Iqtisad Məhkəməsində iddia qaldırıb. Iş hakim Rəfael Eyvazovun icraatındadır. Vəkil əlavə edib ki, Tofiq Abdullayev işə 4 dəqiqə gecikdiyinə vəzifəsindən azad edilib: “Lakin Tofiq Abdullayevin işə gecikməsi də səbəbsiz olmayıb. O, may ayının 8-də icra başçısının birinci müavininin tapşırığı ilə ”Qələbə Meydanı" ətrafında aparılan təmizlik işlərinə nəzarət edib. Bu baxımdan 4 dəqiqə işə gecikib. Lakin Tofiq Abdullayevin işə 8 dəqiqə gecikməsi barədə akt tərtib edilib. Mayın 10-da ona töhmət verilib, iyunun 7-də isə işdən çıxarılıb. Tofiq Abdullayev vəzifəsinin öhdəsindən layiqincə gələn kadrdır. O, 2012-ci ilin may ayına qədər həm də YAP-ın Zərdab təşkilatının sədri olub. Görünür, Lütvəli Babayevə belə kadrlar lazım deyil. Ona birinci müavini Allahverdi Səfərov kimi adamlar lazımdır. Hansı ki, oğlu Ceyhun Səfərov barəsində soyğunçuluq etdiyinə görə məhkum olunub. Elə Lütvəli Babayevlə də belə faktlar var. Məsələn, onun xalası oğlanları Qiyas Isgəndərov barədə məhkəmə hökmü var. Bundan başqa qardaşı oğlu avtoxuliqanlığa görə inzibati cəzaya məruz qalıb. Bu barədə mətbuat da yazıb. Konkret, Lütvəli Babayevə gəlincə, onun “hinduşka məsələsi” Zərdabda dillər əzbəridir. Mən bu barədə danışmaq istəmirəm, amma jurnalistlər “hinduşka məsələsi”ni araşdırsalar Lütvəli Babayevin necə bir adam olduğunu görərlər".


Twitter Facebook Myspace Stumbleupon Technorati blogger google
16219 dəfə oxundu
 
XƏBƏR LENTİ

Köşə
İtirilən gənclik
Elman ABBASOV   ...
Azərbaycansayağı seks
Gunel MÖVLUD   ...
Onlar getdi, sən də get…
Sən də get… Azər BAĞIR   ...